Режеп Таййип Эрдоған ўғлини ворис сифатида тайёрламоқда — Bloomberg
Шунингдек, Туркия президентининг куёви Селчук Байрактар ҳам эҳтимолий ворис сифатида тилга олинган.
Bloomberg манбаларига кўра, амалдаги президент Режеп Таййип Эрдоғаннинг кенжа ўғли аллақачон ҳукумат кадрларини танлашда фаол иштирок этмоқда ва ворис сифатида тайёргарлик кўриши мумкин.
Туркия қонунчилигига мувофиқ, Эрдоған 2028 йилда президентлик лавозимидан кетиши керак. Бироқ, унинг оиласи ва АКП раҳбарияти ваколат муддати тугагандан кейин ҳокимиятни босқичма-босқич ўғлига ўтказишни мақсад қилган. Агар парламент муддатдан олдин сайловлар ўтказса ёки конституцияга ўзгартириш киритилса, Эрдоған қайта сайланиш учун номзодини қўйиши мумкин.
Bloomberg мақоласида таъкидланишича, ушбу ворислик ўтиши учун ички сиёсий ва халқаро муҳит қулай ҳисобланади, гарчи бу расмий кафолатланмаган бўлса ҳам. Эрдоған 2014 йилдан бери президент, илгари 2003–2014 йилларда бош вазир сифатида фаолият юритган. У 2023 йилги сайловларда иккинчи турда 52,18 фоиз овоз билан ғалаба қозонган.
Шунингдек, экспертлар илгари Туркия президентининг куёви Селчук Байрактарни ҳам эҳтимолий ворис сифатида тилга олишган. Байрактар дрон ишлаб чиқарувчи Байкар компаниясининг эгаси ва техник директори бўлиб, 2024 йилда Туркиянинг энг машҳур жамоат арбобларидан бири сифатида тан олинган.
Кейинги президентлик сайловлари Туркияда 2028 йилга белгиланган.
