Фарғонада россиялик пенционерларни миллионлаб рублга алдаган 34 кишилик жиноий гуруҳ фош этилди

 

Давлат хавфсизлик хизмати Фарғона вилояти бошқармаси ва бошқа ҳуқуқни муҳофаза қилувчи идоралар ҳамкорлигида ўтказилган тезкор-қидирув тадбирлари натижасида халқаро миқёсда катта миқдорда пул маблағларини фирибгарлик йўли билан ўзлаштирган 34 кишилик ташкилотли жиноий гуруҳ фош қилинди. Бу ҳақда ДХХ Zamon.uz'гa хабар берди.

 

Фарғона шаҳрида яшовчи 40 ёшли фуқаро раҳбарлик қилган гуруҳ Фарғона ва Тошкент шаҳарлари ҳудудида биноларни ижарага олиб, «Саll-марказ» ниқоби остида фаолият юритган. Улар ахборот технологиялари воситасида Россия Федерациясида дори воситалари ва биологик фаол қўшимчалар савдоси билан шуғулланувчи ташкилотларнинг 70 мингдан ортиқ мижозлари тўғрисидаги маълумотларни қўлга киритган.

 

Шундан сўнг, гуруҳ аъзолари SIP телефония ва Zoiper иловалари орқали асосан кексайган фуқароларга қўнғироқ қилиб, ўзларини ҳуқуқни муҳофаза қилувчи органлар ва банк ходимлари сифатида таништириб, нотўғри тарзда компания томонидан сифатсиз маҳсулотлар сотилгани ва уларга компенсация тўланиши лозимлигини айтган. Жабрланувчиларни 5 мингдан 20 минг рубгача миқдорда солиқ тўлашга ишонтирган ва натижада улар турли банк пластик карталари орқали жами 9.599.561 рубллик маблағни ўтказиб берган.

 

Шунингдек, жиноий гуруҳнинг 3 нафар аъзоси срйптосурренсй савдоси билан шуғулланиш ҳуқуқини берувчи рухсатсиз фаолият олиб бориб, 470 минг АҚШ долларидан ортиқ маблағ айланмасини амалга оширган. Бу Президент қарори ва срйптосурренсй фаолиятини тартибга солувчи қонун талабларига зид ҳисобланади.

 

Жиноий ишлар бўйича Ёзйўвон туман суди томонидан гуруҳ аъзоларининг тегишлилиги бўйича Жиноят кодексининг 168, 243, 278-7 ва 278-8 моддаларига мувофиқ ҳукм чиқарилиб, уларнинг 21 нафари 3 йил 6 ойдан 9 йил 6 ойгача озодликдан маҳрум қилинди. Қолган 13 нафар шахс 4 йил 3 ойдан 4 йил 6 ойга қадар озодликни чеклаш жазосига тортилди. Уларга жарималар ҳам қўлланилди.

 

Жабрланувчиларга етказилган моддий зарар ундирилиб берилади.