Қирғизистондаги мадрасада Қамчибек Ташиевнинг соғлиғи учун дуо ўқилди
Аввалроқ Ташиев мамлакатни вақтинча тарк этгани ҳақида хабар берилганди.
Қирғизистондаги мадрасалардан бирида собиқ Миллий хавфсизлик давлат қўмитаси раҳбари Қамчибек Ташиев соғлиғи учун жамоавий Қуръон тиловати ва махсус дуолар ўқилди. Ушбу жараён акс этган видеолавҳа ижтимоий тармоқларда кенг тарқалди.
Маълумотларга кўра, мадраса вакиллари томонидан унинг тезроқ соғайиши, соғлиғи мустаҳкамланиши ва тез орада фаол ҳаётга қайтиши тилаб дуо қилинган.
Аввалроқ Ташиев мамлакатни вақтинча тарк этгани ҳақида хабар берилганди. Айрим ОАВларда бу сафар унинг соғлиғи билан боғлиқ бўлиши мумкинлиги тахмин қилинмоқда. Бироқ унинг айнан қаердалиги ҳамда қачон қайтиши юзасидан расмий маълумот ҳозирча тақдим этилмаган.
