2025 йилда Қирғизистонда юқумли касалликлар 36,3 фоизга ошди

 

2025 йилда Қирғизистонда сифилис, бруцеллёз ва грипп билан касалланиш даражаси ошгани қайд этилди. Бу ҳақда Соғлиқни сақлаш вазирининг ўринбосари ва бош давлат санитария шифокори Рйспек Сидигалиев маълум қилди дейди 24.kg нашри.

 

Унинг сўзларига кўра, 2025 йил охирига келиб, республикада жами 491 516 та юқумли касаллик ҳолати қайд этилган, бу 2024 йилги 360 536 ҳолатга нисбатан 36,3 фоиз кўпдир. Юқумли касалликларнинг 81,9 фоизини ўткир респиратор вирусли инфекциялар (АРВИ) ва грипп ташкил этади.

 

Касалланиш даражасида пасайиш кузатилган касалликлар:

• салмонеллёз 1,6 баравар камайган,
• ўткир энтерал вирусли гепатит 2,5 баравар камайган,
• ўткир гемоконтакт вирусли гепатит 29,6 фоиз камайган,
• сил касаллиги 2,9 фоиз камайган,
• менингит 18,2 фоиз камайган,
• қизамиқ 1,6 баравар камайган,
• тепки касаллиги 33 фоиз камайган.

 

Шунингдек, ўткир ичак инфекциялари билан касалланиш 15,2 фоизга, бруцеллёз 1,3 фоизга, АРВИ ва грипп билан касалланиш эса 1,5 бараварга ошган. ОИВ билан касалланганларнинг умумий сони 8,2 фоизга, сифилис эса 2,1 фоизга ошгани қайд этилган.

 

Сидигалиев қўшимча қилганидек, 2025 йилда куйдирги касаллигининг 6 ҳолати, безгакнинг 5 ҳолати, гепатит Э нинг 3 ҳолати ва қоқшолнинг 1 ҳолати қайд этилган.