Фарғонадаги боғчада болани юқори кучланишли ток урди
Ҳодиса оқибатида боланинг соғлиғига жиддий зарар етган.
Ижтимоий тармоқларда Фарғона шаҳридаги мактабгача таълим муассасасида болани юқори кучланишли ток урганлиги ҳақида хабарлар тарқалмоқда. Ҳолат юзасидан Болалар омбудсмани расмий муносабат билдирди.
Қайд этилишича, масъулларнинг совуққонлиги оқибатида боланинг соғлиғига жиддий зарар етганлиги ҳолати Болалар омбудсмани сўрови асосида прокуратура органлари томонидан ўрганилмоқда.
Боланинг бузилган ҳуқуқларини тиклаш ҳамда унинг қонуний манфаатларини таъминлаш юзасидан Болалар омбудсмани ўз кузатувини олиб бормоқда.
“Бу борада қўшимча тарзда ахборот берилади”, дейилади хабарда.
Эслатиб ўтамиз, 2023 йилнинг ноябрь ойида Тошкент шаҳрининг Мирзо Улуғбек туманидаги мактабда 8-синф ўқувчиси ток уриб вафот этганди. Шундан сўнг директорнинг хўжалик ишлари бўйича ўринбосари 4 йилга қамалганди, директорга эса 4 йилга озодликни чеклаш жазоси берилган.
