Деновда газ заправкада портлаш содир бўлди
Ҳолат юзасидан расмий маълумот берилди.
Сурхондарё вилояти Денов туманидаги газ заправкада ёнғин юзага келди. Бу ҳақда ФВВ хабар берди.
Маълум қилинишича, 7 апрель куни соат 08:24 да “112” тизимидан Сурхондарё вилояти ФВБга Денов тумани, “Оқтом” МФЙда жойлашган автомобилларга суюлтирилган газ қуйиш шохобчасида ёнғин келиб тушгани ҳақида хабар келиб тушган.
Шохобчадаги ёнғин “КАМАЗ” русумли суюлтирилган (пропан) газ ташувчи махсус автомобилдан сиғимга газини қуйиш вақтида чақнаш содир бўлгани натижасида юзага келган.
Ҳодиса жойига 5 та қутқарув бўлинмалари соат 08:39 да етиб бориб, ёнғин соат 08:42 да ўраб олинган ва ҳо ёнғинни бартараф этиш ишлари дав эттирилмоқда.
Дастлабки маълумотга кўра, сиғимнинг ёрилиши сабаби махсус автомобилдан пропан газини бўшатиш вақтида технологик жараённинг бузилиши деб тахмин қилинмоқда.
Воқеа жойига вилоят ФВБ раҳбар ходимлари, Денов тумани ИИБ, ССБ, “Ҳудудгазтаъминот” раҳбар ва ходимлари чиқишган ҳамда ҳодисанинг келиб чиқиш сабабларини аниқлаш ишлари олиб борилмоқда.
Вазият тўлиқ назоратга олинган.
