“Медиа ҳафталик”нинг яна бир босқичи Хоразмда якунланди
Дастур давомида иштирокчилар медиа соҳасига оид назарий билимлар билан бирга амалий кўникмаларни ҳам эгаллади.
Хоразм вилоятида жорий ҳафта давомида “Медиа ҳафталик” лойиҳаси доирасида ёшлар учун амалий ва интерактив машғулотлар ташкил этилди. Тадбир Ёшлар марказида бўлиб ўтди.
Дастур давомида иштирокчилар медиа соҳасига оид назарий билимлар билан бирга амалий кўникмаларни ҳам эгаллади. Хусусан, айрим ёшлар илк бор камера билан ишлашни ўрганган бўлса, бошқалар контент яратиш ва аудитория билан мулоқот қилиш услубларини бутунлай ўзгартирди.
Ташкилотчилар таъкидлашича, лойиҳа нафақат ўқув жараёни, балки замонавий медиа муҳитда фикрлаш ва ишлаш кўникмаларини шакллантиришга қаратилган. Унда контент яратишнинг масъулияти ва жамиятга таъсири масалаларига ҳам алоҳида эътибор қаратилди.
Маълум қилинишича, “Медиа ҳафталик” лойиҳаси кейинги босқичда Сурхондарё вилоятида давом эттирилади.
