Туркиядаги мактабда ота-она ўқитувчига пичоқ билан ҳужум қилди
Аввалроқ Сиверек ва Қаҳраманмарашдаги мактабларда ҳам отишма содир бўлган эди.
Туркиянинг Шанлиурфа вилояти Сиверек туманидаги мактаблардан бирида ота-оналардан бири ўқитувчига пичоқ билан ҳужум қилишга уринган.
Маҳаллий манбаларга кўра, қуролланган шахс воқеа жойига етиб келган ҳуқуқни муҳофаза қилувчи органлар ходимлари томонидан қўлга олинган. Полисиянинг тезкор аралашуви натижасида эҳтимолий ҳужумнинг олди олинган.
Дастлабки маълумотларга кўра, ҳодиса оқибатида ҳеч ким жабрланмаган. Воқеа юзасидан тергов ҳаракатлари бошланган.
Қайд этилишича, ушбу ҳодиса сўнгги кунларда Шанлиурфа вилоятидаги таълим муассасаларида кузатилаётган навбатдаги хавотирли воқеалардан бири бўлди. Аввалроқ Сиверек туманидаги мактабда юз берган ҳодиса оқибатида 16 киши жароҳатланган эди.
Шунингдек, 15 апрель куни Туркиянинг Қаҳраманмараш шаҳрида мактабда содир этилган қуролли ҳужумда 9 киши ҳалок бўлгани маълум қилинган эди.
