МДҲ мамлакати ташқи ишлар вазирлари учрашди
МДҲ мамлакатлари шерикликни ҳар томонлама мустаҳкамлашга қаратилган 10 та қарорни қабул қилди.
Жорий йилнинг октябрь ойида Туркманистонда ўтказилиши режалаштирилган МДҲ давлат раҳбарлари кенгаши йиғилишига тайёргарлик кўриш учун ташкилот ташқи ишлар вазири йиғилиши ўтказилди. Бу ҳақда Бахтиёр Саидов ўзининг Telegram саҳифасида маълум қилди.
Йиғилишда вазирлар шу вақтга қадар саъй-ҳаракатлари натижалари муҳокама қилиниб, узоқ муддатли истиқбол учун режа ва устувор йўналишларни белгилаб олишди.
“Мазмунли музокаралар давомида ҳамкасбларимиз билан кўп томонлама шерикликни ҳар томонлама мустаҳкамлашга қаратилган 10 та қарорни келишиб олдик ва қабул қилдик. Ушбу ҳужжатлар давлатларимиз ўртасидаги яқинликни янада кучайтириш, барқарорликни таъминлаш ҳамда МДҲ маконида изчил ижтимоий-иқтисодий ривожланиш учун мустаҳкам замин яратишига ишонамиз”, — дея ёзади Ўзбекистон ташқи ишлар вазири Бахтиёр Саидов.
