Термизда ректорлар марафони: саломатлик сари ўн минг қадам
Термизда “Соғлом ҳаёт учун ўн минг қадам” шиори остида оммавий юриш марафони ташкил этилди.
Термиз давлат университетининг жисмоний тарбия ва спорт соҳасидаги тажрибасини ўрганиш юзасидан олий таълим ташкилотлари раҳбарлари учун ўтказилаётган ўқув-амалий семинар доирасида бугун, 22 апрель куни эрта тонгдан “Соғлом ҳаёт учун ўн минг қадам” шиори остида оммавий юриш марафони ташкил этилди.
Олий таълим, фан ва инновациялар вазири Қўнғиротбой Шарипов бошчилигида ўтказилган ушбу марафонда республикадаги олий таълим муассасалари раҳбарлари, профессор-ўқитувчилари, тадқиқотчилар, талабалар иштирок этди.
Ташаббуснинг асосий мақсади — раҳбарларнинг шахсий намунаси орқали ёшлар орасида соғлом турмуш тарзини тарғиб қилиш, спортни оммалаштириш ва ўзаро тажриба алмашишдан иборат.
Спорт ҳафталиги доирасидаги тадбирлар давом этмоқда.
