Саида Мирзиёева президент топшириғи билан Самарқандга борди
Президент администрацияси раҳбари Тойлоқ ва Ургут туманларида бўлди, янгиланган “Навоий” поликлиникаси фаолияти билан танишди.
Президент топшириғига мувофиқ Президент администрацияси раҳбари Саида Мирзиёева Самарқанд вилоятига ташриф буюрди.
Ташриф доирасида Тойлоқ туманида маҳаллаларни тоза ичимлик суви билан тўлиқ таъминлаш мақсадида сув тармоқларини реконструкция қилиш ва янгилаш ишлари кўздан кечирилди.
Шунингдек, Ургут туманида ҳам бўлиб, янги турар жойлар, тиббиёт муассасалари, мактаб ва мактабгача таълим ташкилотлари қурилиши, мавжуд объектларни модернизация қилиш ва кенгайтириш жараёнлари билан танишилди.
Ташриф давомида Мирзиёева фермерлар оиласи — Ҳайдаровлар хонадонида ҳам бўлиб, уларнинг тажрибаси билан танишди. Уларнинг тажрибасини оммалаштириш мумкинлиги таъкидланди.
Бундан ташқари, Президент топшириғи асосида тубдан реконструкция қилинган “Навоий” оилавий поликлиникаси фаолияти ҳам ўрганилди. Ушбу муассасада 16 та қишлоқ аёлларига хизмат кўрсатувчи замонавий туғруқ бўлими ташкил этилган.
Маълум қилинишича, яқинда мазкур поликлиникада биринчи чақалоқ — Шавкатжон дунёга келган. Саида Мирзиёева буни амалга оширилаётган ишларнинг хайрли эканига ишора сифатида баҳолади.
