Эроннинг Лондондаги элчихонаси эронликларни “ватанни ҳимоя қилиш”га чақирди

Лондондаги Эрон элчихонаси ин London томонидан эълон қилинган чақириқ Буюк Британияда миллий хавфсизлик масалалари бўйича жиддий хавотирларни келтириб чиқарди. Элчихона Британияда яшовчи эронликларни “Жан Фада” — яъни “жонни фидо қилиш” дастурига қўшилишга ундаган. Бу ҳақда Daily Mail хабар берди.

 

Маълум қилинишича, расмий Telegram каналда эълон қилинган хабарда “ватанни ҳимоя қилиш истагидаги барча жасур эронликлар” бирдамлик ва садоқат рамзи сифатида ушбу дастурда иштирок этишга чақирилган. Постда, шунингдек, “юртни душманга топширгандан кўра жонни фидо қилиш афзал” экани таъкидланган.

 

Элчихона вакиллари мазкур ташаббус “ҳеч қандай душманликни тарғиб қилмаслигини” билдирган. Бироқ мутахассислар буни радикаллашувга ундовчи хавфли сигнал сифатида баҳоламоқда.

 

Буюк Британияда фаолият юритувчи таҳлилчилар фикрича, бу каби чақириқлар интернет орқали тарафдорларни аниқлаш ва уларни сафарбар этишга қаратилган бўлиши мумкин. Айрим экспертлар буни мамлакат ичида хавфсизликка таҳдид сифатида кўрмоқда.

 

Шу билан бирга, Лондон метрополитен полицияси воқеа юзасидан изоҳ беришга чақирилган. Диаспора вакиллари эса ҳукуматдан чоралар кўришни талаб қилмоқда.

 

Ҳуқуқ ҳимоячилари ва хавфсизлик бўйича мутахассислар Ислом инқилоби қўриқчилари корпуси фаолиятига ҳам эътибор қаратиб, уни террорчи ташкилот сифатида тақиқлаш зарурлигини таъкидламоқда.

 

Буюк Британия бош вазири Кир Стармер яқинда ушбу тузилмани тақиқлаш ниятини билдирган бўлса-да, тегишли қонунчилик ҳали қабул қилинмаган.

 

Сўнгги кунларда Эрон билан алоқадор деб тахмин қилинаётган Ҳаракат "Ашаб ал-Ямин ал-Исламия" гуруҳи Лондон шимоли-ғарбидаги синагогага уюштирилган ҳужум учун жавобгарликни ўз зиммасига олгани ҳам вазиятни янада кескинлаштирган.

 

Элчихона эса ўз баёнотида “Жан Fa” платформаси фақат ватанни қўллаб-қувватлашга қаратилганини, унда ҳеч қандай тажовузкорлик тарғиб этилмаслигини қайд этди.