Қурбон ҳайити 27 май куни нишонланади — Қирғизистонда
Мамлакатда байрам расман дам олиш куни деб эълон қилиниши кутилмоқда.
Қирғизистонда Қурбон ҳайити санаси эълон қилинди. Бу ҳақда 24.кг хабар берди.
Қирғизистон мусулмонлари диний идорасига кўра, 2026 йилда мамлакатда Қурбон ҳайити байрами 27 май куни нишонланади.
Мусулмонларнинг энг асосий байрамларидан бирининг санаси ой тақвимига қараб белгиланади ва ҳар йили ўзгариб туради. Қурбон ҳайити Ҳаж зиёрати якунланганини англатади ва анъанавий маросимлар, жумладан, қурбонлик қилиш ҳамда хайрия ишлари билан бирга ўтказилади.
Қирғизистонда байрам куни расман дам олиш куни деб эълон қилиниши кутилмоқда.
Маълумот ўрнида, 2025 йилда Ўзбекистон ҳудудида Қурбон ҳайити 6 июнь куни нишонланган.
