Тошкент метроси ер усти ҳалқа линиясида иш вақти ўзгартирилади
Метро поездлари эндиликда бир соат олдиндан ҳаракатлана бошлайди.
Тошкент метрополитени матбуот хизмати хабарига кўра, 2026 йил 1 майдан бошлаб ер усти ҳалқа линиясида поездлар ҳаракати жадвали ўзгартирилади.
Янги тартибга мувофиқ, мазкур йўналишда метро поездлари эндиликда ҳар куни соат 05:00 дан 23:00 гача йўловчиларга хизмат кўрсатади. Аввал ушбу линияда ҳаракат соат 06:00 дан 23:00 гача амалга оширилган эди.
Жадвалдаги ўзгариш поездлар ҳаракатини бир соат олдин бошлаш орқали йўловчиларга қўшимча қулайлик яратиш ва хизмат кўрсатиш сифатини ошириш мақсадида жорий этилмоқда.
Шу билан бирга, Тошкент метрополитенининг бошқа (Чилонзор, Ўзбекистон ва Юнусобод) йўналишларида поездлар ҳаракати аввалгидек ҳар куни соат 05:00 дан 00:00 гача давом этади.
