Фармацевтика ва банк сектори: мослашувчан молиявий ечимлар муҳокамада
Мазкур мулоқот банклар учун сифатли портфелни кенгайтириш, тадбиркорлар учун эса бизнесни ривожлантиришга мос молиявий имкониятларни очади.
Марказий банк раиси Тимур Ишметов, Фармацевтика тармоғини ривожлантириш агентлиги директори Абдулла Азизов ҳамда банк сектори ва фармацевтика соҳаси вакиллари иштирокида учрашув бўлиб ўтмоқда.
Унда фармацевтика корхоналари учун зарур молиявий маҳсулотларни аниқлаш, банклар томонидан соҳанинг реал эҳтиёжларини чуқур ўрганиш ва уларга мос амалий ечимлар ишлаб чиқиш масалалари муҳокама қилинмоқда.
Таъкидланганишича, фармацевтика соҳаси стандарт эмас, балки ўзига хос ёндашувни талаб қилади. Хусусан, айланма маблағларни молиялаштириш, ускуналар лизинги, савдо молиялаштируви, банк кафолатлари ва валюта рискларини бошқариш каби инструментлар соҳанинг барқарор ривожи учун муҳим.
Қайд этилшича, мазкур мулоқот банклар учун сифатли портфелни кенгайтириш, тадбиркорлар учун эса бизнесни ривожлантиришга мос молиявий имкониятларни очади. Натижада бу ёндашув ишлаб чиқариш, бандлик, технологик янгиланиш ва ички бозор барқарорлигини қўллаб-қувватлашга хизмат қилади.
