БАА ҳаво ҳудуди тўлиқ очилди
Қарор хавфсизлик ва операцион ҳолат тўлиқ ўрганилгач қабул қилинган.
Бирлашган Араб Амирликлари ўз ҳаво ҳудудини тўлиқ қайта очди ва аввал жорий этилган барча парвоз чекловларини бекор қилди. Бу ҳақда мамлакат Фуқаро авиацияси бош бошқармаси WАМ давлат ахборот агентлигига таяниб маълум қилди.
Қайд этилишича, мазкур қарор хавфсизлик ва операцион шароитлар ҳар томонлама таҳлил қилингандан сўнг қабул қилинган. Авиация идоралари парвозлар хавфсизлигини таъминлаш мақсадида реал вақт режимида доимий мониторинг олиб борилаётганини билдирган.
Эслатиб ўтамиз, БАА февраль ойи охирида минтақадаги кескинлик фонида, хусусан, дрон ҳужумлари хавфи сабаб ўз ҳаво ҳудудини вақтинча ёпган эди. Ҳозирда АҚШ, Исроил ва Эрон ўртасида сулҳ амал қилаётгани фонида вазият нисбатан барқарорлашган.
Шунингдек, аввалроқ АҚШ президенти Доналд Трамп Эрондаги можаро якунланганини маълум қилган эди.
