Ўзбекистон Биринчи хоними Малайзия Қироличаси билан учрашди
Учрашув доирасида Қироличаси Ража Зарит София ўзбек маданияти ҳақида батафсил маълумот олди.
Ўзбекистон Биринчи хоними Зироат Мирзиёева Малайзия Қироличаси Ража Зарит София билан учрашув ўтказди.
Ташриф доирасида олий мартабали меҳмон ўзбек амалий санъати намуналари, миллий ҳунармандчилик маҳсулотлари ҳамда анъанавий миллий либослар билан яқиндан танишди. Шунингдек, Ўзбекистон халқининг бой маданий мероси, урф-одатлари ва қадриятлари ҳақида батафсил маълумотга эга бўлди.
Самимий ва очиқ мулоқот руҳида ўтган учрашувда томонлар Ўзбекистон ва Малайзия ўртасидаги дўстона муносабатларни янада мустаҳкамлаш, маданий-гуманитар ҳамкорликни кенгайтириш ҳамда ўзаро алмашинувларни ривожлантириш масалаларини муҳокама қилдилар.
