Энди банкдан 500 долларгача паспортсиз валюта олиш мумкин
Янги тартиб расмий эълон қилинганидан уч ой ўтгач кучга кириди.
Ўзбекистонда фуқаролар учун нақд хорижий валютани харид қилиш тартиби ўзгартирилди. Бу ҳақда Адлия вазирлиги томонидан ишлаб чиқилган идоравий ҳужжат 8 май куни расмий рўйхатдан ўтказилгани маълум қилинди.
Янги тартибга кўра, фуқаролар банклардан 500 АҚШ долларигача бўлган нақд хорижий валютани сотиб олишда шахсни тасдиқловчи ҳужжатларни тақдим этишдан озод этилади.
Амалдаги қоидаларга кўра, ушбу сумма 100 долларни ташкил этган бўлиб, янги ўзгаришлар фуқаролар учун валюта операцияларини сезиларли даражада енгиллаштиради.
Ҳужжатга мувофиқ, 500 долларгача бўлган операцияларни амалга оширишда паспорт ёки унга тенглаштирилган шахсни тасдиқловчи ҳужжатлар талаб этилмайди.
Янги тартиб расмий эълон қилинганидан уч ой ўтгач кучга кириши белгиланган.
