Элдор Шомуродовнинг устози Италия жамоаси бош мураббийлиги учун асосий номзодлардан бири сифатида кўрилмоқда
Раньерининг Рим клубидаги самарали фаолияти ва катта мураббийлик тажрибаси жамоа бош мураббийлиги учун асосий номзодлар қаторида кўрилишига асос бўлмоқда.
Жаҳон чемпионати йўлланмасини қўлдан чиқарган Италия терма жамоасининг мураббийлар штабида ўзгаришлар амалга оширилди, деб хабар бермоқда RomaPress — футболга ихтисослашган мустақил ахборот портали.
Қизиғи шундаки, 74 ёшли Клаудио Раньери 2025 йил ёзида Италия терма жамоасини бошқариш таклифини қабул қилмаган эди. Ўша вақтда у “Рома”да катта маслаҳатчи сифатида ишлаётганди. 2026 йил апрель ойида мутахассис Рим клубини тарк этди ва ҳозирда ҳеч қайси жамоада фаолият олиб бормаяпти.
“Италия терма жамоасидан таклиф тушганида рад жавобини берган эдим, чунки ўша пайтда ъРомаъдаги вазифамни тарк этишни истамагандим. Ҳозирда эса ҳеч қандай мажбуриятим йўқ, шунинг учун бу вариантни кўриб чиқиш мумкин”, — деди Клаудио Раньери Sky Sports'га берган изоҳида.
“Билмайман. Агар сизни чақиришса, шунчаки 'ҳа' деб жавоб бериш кифоя”, — деди Клаудио Раньери.
Эслатиб ўтамиз, Клаудио Раньери ўз фаолияти давомида “Ювентус”, “Интер”, “Рома” каби Италиянинг етакчи клубларини, шунингдек, Англиянинг “Лестер Сити” жамоасини тарихий чемпионликка олиб чиққан тажрибали мутахассис сифатида танилган. Унинг бой тажрибаси ҳозир оғир вазиятга тушиб қолган Италия терма жамоаси учун муҳим омил бўлиши мумкин.
Маълумот ўрнида, Раньери 2024/25 мавсумда “Рома"да фаолият олиб бориб, Ўзбекистон миллий терма жамоаси сардори Элдор Шомуродовга ҳам устозлик қилган. Ўша мавсумда ўзбекистонлик ҳужумчи 7 та гол ва 5 та голли узатмани амалга ошириб, самарали ўйин кўрсатган эди.
Абдуллаева Шахризода
