Президент Шавкат Мирзиёев Туркистонга етиб борди
Президентни Қозоғистон Республикаси Давлат маслаҳатчиси Ерлан Карин ва бошқа расмийлар кутиб олди.
Ўзбекистон Республикаси Президенти Шавкат Мирзиёев амалий ташриф билан Туркистон шаҳрига келди. Бу ҳақда Президент матбуот хизмати хабар берди.
Маълум қилинишича, “Ҳазрат Султон” халқаро аэропортида олий мартабали меҳмонни Қозоғистон Республикаси Давлат маслаҳатчиси Ерлан Карин, Туркистон вилояти ҳокими Нуралхан Кушеров ва бошқа расмийлар кутиб олди.
Бугун давлат раҳбари Туркий давлатлар ташкилотининг норасмий саммитида иштирок этади.
Саммитда қатнашувчи делегациялар раҳбарлари Туркистон шаҳридаги тарихий ёдгорликлар ва маданий объектлар билан танишиши ҳам режалаштирилган.
