“Жўйзар” каналининг 22,5 километри бетонланади — Саида Мирзиёева
Бу билан йилига 12 миллион куб метр сув исроф бўлишининг олди олинади.
Саида Мирзиёева Бухородаги “Жўйзар” каналини ва вилоят Қўғирчоқ театрини бориб кўрди.
Маълум қилинишича, Бухоро вилояти ва туманлари раҳбарияти иштирок этган йиғилишда республикадаги энг қадимий каналлардан бири – “Жўйзар” каналининг 22,5 километрлик қисмини бетонлаш масаласи муҳокама қилинди. Бу билан йилига 12 миллион куб метр сув исроф бўлишининг олди олинади.
Шунингдек, маданият объектлари, хусусан, Бухоро қўғирчоқ театри, С. Айний номидаги театр реконструкциясига алоҳида эътибор қаратилди, сайёҳлик инфратузилмасини ривожлантириш режалари кўриб чиқилди.
