Президент Шавкат Мирзиёев Бокуга етиб борди
Давлат раҳбарини Ҳайдар Алиев номидаги аэропортда расмийлар кутиб олди.
Ўзбекистон Президенти Шавкат Мирзиёев Озарбайжон Президенти Илҳом Алиевнинг таклифига биноан Боку шаҳрига борди.
Ҳайдар Алиев номидаги халқаро аэропортда давлат раҳбарини Озарбайжон маданият вазири Одил Каримли ва бошқа расмийлар кутиб олди.
Ташрифнинг асосий тадбирлари эртага, 18 май куни бўлиб ўтади. Дастурга мувофиқ, Ўзбекистон Президенти Бутунжаҳон урбанизация форумининг 13-сессияси тадбирларида, шу жумладан, Етакчилар саммитида иштирок этади.
