Андижонда “Энергосавдо” юристконсулти 5 минг доллар пора билан ушланди
У электр энергиясидан нотўғри фойдаланиш бўйича ҳисобланган зарар суммасини камайтириб бериш эвазига пул талаб қилган.
Ҳудудий электр тармоқлари АЖнинг «Энергосавдо» филиали Андижон бўлинмаси етакчи юристконсултига нисбатан жиноят иши қўзғатилди. Бу ҳақда ДХХ хабарт берди.
Маълум қилинишича, у пишлоқ ишлаб чиқариш фаолияти билан шуғулланувчи МЧЖга нисбатан расмийлаштирилган далолатнома асосида электр энергиясидан нотўғри фойдаланиш бўйича ҳисобланган 788,4 миллион сўмлик моддий зарар суммасини “бартараф этиб бериш” эвазига 5 минг АҚШ доллари талаб қилган.
Жорий йилнинг 1 май куни у сўралган маблағнинг 500 АҚШ долларини олган.
Кейинчалик Давлат хавфсизлик хизмати ҳамда бошқа ҳуқуқни муҳофаза қилувчи органлар ходимлари ҳамкорлигида ўтказилган тезкор тадбир давомида юристконсулт қолган 4500 АҚШ долларини олаётган вақтида ашёвий далиллар билан ушланган.
Ҳозирда мазкур шахсга нисбатан жиноят иши қўзғатилиб, тергов ҳаракатлари олиб борилмоқда.
