ЖССТ Конго ва Угандадаги Эбола сабаб халқаро фавқулодда ҳолат эълон қилди
Эболанинг Бундибугё вируси штамми сабаб касалланиш ҳолатлари ошмоқда.
Жаҳон соғлиқни сақлаш ташкилоти (ЖССТ) Конго Демократик Республикаси ҳамда Угандада Эбола касаллиги тарқалиши ортидан халқаро миқёсда ташвиш уйғотадиган соғлиқни сақлаш соҳасидаги фавқулодда ҳолат эълон қилди.
ЖССТ баёнотига кўра, ташкилот бош директори аъзо давлатлар билан маслаҳатлашувлардан сўнг Бундибугё вируси сабаб юзага келган эпидемия бўйича тегишли қарорни қабул қилган.
Ташкилот ушбу вазият пандемия эмаслигини, бироқ халқаро даражада жиддий хавотир уйғотувчи соғлиқни сақлаш фавқулодда ҳолати сифатида баҳоланаётганини таъкидлаган.
ЖССТ маълумотларига кўра, Конго Демократик Республикасининг учта ҳудудида Эбола билан боғлиқ деб гумон қилинаётган 246 та касалланиш ҳолати қайд этилган. Шунингдек, 80 нафар беморнинг вафот этгани маълум қилинган. Улардан саккизта ҳолат лаборатория текширувлари орқали тасдиқланган.
Угандада эса Эбола инфекциясининг иккита ҳолат аниқланган бўлиб, улардан бири ўлим билан якунланган.
Мутахассислар касалликнинг янада кенг тарқалишининг олдини олиш мақсадида эпидемиологик назорат ва халқаро ҳамкорлик чораларини кучайтириш зарурлигини таъкидламоқда.
