Жаҳон

Эрдоған Исроилнинг Ғазога ёрдам олиб кетаётган флотилияга ҳужумини қоралади

Исроил кучлари Ғазага йўл олган камида икки кемага қарата ўқ узган. Флотилиянинг 44 та кемасини тўхтатган.

Эрдоған Исроилнинг Ғазога ёрдам олиб кетаётган флотилияга ҳужумини қоралади

Туркия президенти Режеп Таййип Эрдоған Ғазога гуманитар ёрдам олиб кетаётган “Global Sumud Flotilla” флотилиясига қарши Исроил ҳаракатларини кескин қоралади. Бу ҳақда Reuters хабар берди.

 

Маълум қилинишча, Анқарадаги чиқишида Эрдўған флотилия иштирокчиларини “умид саёҳатчилари” деб атаб, халқаро ҳамжамиятни Исроилнинг ҳаракатларига қарши чора кўришга чақирган.

 

Флотилия ташкилотчилари маълумотига кўра, сешанба куни Исроил кучлари Ғазога йўл олган камида икки кемага қарата ўқ узган. Жонли эфирдан олинган видеоларда аскарларнинг кемалар томон ўқ узгани акс этган, аммо қандай турдаги қурол ишлатилгани аниқ эмас. Бошқа бир вакил эса жами олти кема ўққа тутилганини билдирган.

 

Ҳозирча жабрланганлар ҳақида расмий маълумот берилмаган.

 

Ташкилотчиларнинг айтишича, Исроил ҳарбий-денгиз кучлари Шарқий Ўрта ер денгизида флотилиянинг 44 та кемасини тўхтатган. Яна олти кема ҳаракатни давом эттирмоқда.

 

Исроил армияси ҳодиса юзасидан изоҳ беришдан бош тортган. Мамлакат Ташқи ишлар вазирлиги эса аввалроқ Ғазога нисбатан “қонуний денгиз блокадаси” бузилишига йўл қўйилмаслигини билдирган эди.

 

Туркия Ташқи ишлар вазирлиги Исроилнинг ҳаракатларини “қароқчилик акти” ва халқаро ҳуқуқнинг бузилиши деб атади. Анқарага кўра, флотилия Ғазодаги гуманитар инқирозга эътибор қаратиш ҳамда ёрдам етказиш мақсадида йўлга чиққан.

 

Қайд этилишича, “Global Sumud Flotilla” Туркия жанубидан учинчи марта йўлга чиққан бўлиб, унда 39 давлатдан 426 киши иштирок этмоқда.

 

АҚШ Молия вазирлиги эса флотилия билан боғлиқ тўрт нафар шахсга қарши санкциялар жорий этганини маълум қилди. Вашингтон уларни “ҲАМАС тарафдори” деб баҳолаган.

 

Фаластин тарафдори бўлган фаоллар эса Ғазага етиб бораётган гуманитар ёрдам ҳажми ҳали ҳам етарли эмаслигини таъкидламоқда. Ғазода 2 миллиондан ортиқ аҳолининг катта қисми уруш сабабли ўз уйларини тарк этишга мажбур бўлган.

АҚШ Яқин Шарққа яна бир авиаташувчи кемасини юборди: Арабистон денгизида 3 та авиаташувчи жамланди

АҚШ Яқин Шарққа яна бир авиаташувчи кемасини юборди: Арабистон денгизида 3 та авиаташувчи жамланди

Минтақадаги ҳарбий-денгиз кучлари таркибига 13 та эсминец ва иккита крейсер ҳам киради.

Трампнинг Хитойга сафари: Ким Чен Ин билан учрашув ўтказилиши мумкин

Трампнинг Хитойга сафари: Ким Чен Ин билан учрашув ўтказилиши мумкин

Трамп 2017–2021 йиллардаги президентлик муддати давомида Ким Чен Ин билан бир неча бор учрашган.

Умра зиёрати ортидан муаммо: 100 дан ортиқ қирғизистонлик Тошкентда қолиб кетди

Умра зиёрати ортидан муаммо: 100 дан ортиқ қирғизистонлик Тошкентда қолиб кетди

Уларнинг манзилига етиб бориши учун ҳар биридан қўшимча 400 доллар талаб қилингани айтилмоқда.

Қозоғистонда илк тажриба: сунъий интеллект қонун лойиҳасини ишлаб чиқди

Қозоғистонда илк тажриба: сунъий интеллект қонун лойиҳасини ишлаб чиқди

Ҳужжат болаларнинг рақамли ва ахборот хавфсизлигини таъминлашга қаратилган.

Коррупция можароси: Қозоғистон Президенти Миллий хавфсизлик қўмитаси раҳбарини алмаштирди

Коррупция можароси: Қозоғистон Президенти Миллий хавфсизлик қўмитаси раҳбарини алмаштирди

Бу қарор йирик давлат компаниялари раҳбарлари коррупцияга оид гумонлар билан ҳибсга олинганидан бир неча кун ўтиб қабул қилинди.

Россия меҳнат бозорида ўзбекистонликлар етакчи: тўққиз ойлик статистика эълон қилинди

Россия меҳнат бозорида ўзбекистонликлар етакчи: тўққиз ойлик статистика эълон қилинди

Тўққиз ойда 1,5 миллиондан ортиқ фуқаро ушбу мақсадда мамлакатга кирган.

Иорданияда черковга қилинган ҳужум: уч нафар эркак ўлим жазосига ҳукм қилинди

Иорданияда черковга қилинган ҳужум: уч нафар эркак ўлим жазосига ҳукм қилинди

Ҳужум 23 октябрь куни юнон православ черковида дафн маросими вақтида содир бўлганди.

Ҳиндистон–Хитой зиддияти: Деҳли тоғли ҳудудларда жанговар тайёргарликни кучайтирмоқда

Ҳиндистон–Хитой зиддияти: Деҳли тоғли ҳудудларда жанговар тайёргарликни кучайтирмоқда

Ҳиндистон–Тибет чегара полицияси таркибидаги махсус бўлинмалар яқин масофадаги жанглар, тоғли ҳудудларда ҳаракатланиш ва дронлардан фойдаланиш бўйича тайёргарликдан ўтказилмоқда.