“Арсенал” 22 йиллик танаффусдан сўнг Англия чемпионига айланди
Бу “Арсенал” тарихидаги 14-чемпионлик унвони бўлди.
Лондоннинг «Арсенал» футбол клуби “Манчестер Сити” ва «Борнмут» ўртасидаги учрашувнинг 1:1 ҳисобидаги дуранг натижаси эвазига мавсум якунланишига бир тур қолганида чемпионликни расман қўлга киритди. Бу ҳақда Чампионат нашри хабар берди.
Микел Артета бошчилигидаги лондонликлар сўнгги уч мавсум давомида Премьер-лигада иккинчи ўринни эгаллаб келаётган эди. Ўтган мавсумда жамоа “Манчестер Сити” ва «Ливерпул» ортида қолган бўлса, бу сафар мавсумнинг катта қисмида турнир жадвалида етакчиликни сақлаб қолди.
Апрель ойида “Манчестер Сити”га қарши учрашувдаги мағлубиятдан кейин чемпионлик пойгаси яна кескинлашган эди. Бироқ «Сити»нинг навбатдаги турда очко йўқотиши «Арсенал»га узоқ кутилган совринни муддатидан олдин тақдим этди.
Мазкур чемпионлик «Арсенал» тарихидаги 14-чемпионлик унвони бўлди.
Лондон клуби охирги марта 2003/2004 йилги мавсумда Арсен Венгер бошчилигида Премьер-лига ғолибига айланган эди. Ўша мавсумда жамоа бирорта ҳам мағлубиятга учрамай, футбол тарихида «Енгилмаслар» номи билан қолган эди.
