Наманган Гиннес рекордлар китобига киритилди
Бу ютуқ вилоятнинг ободонлаштириш, экология ва туризм соҳаларидаги салоҳиятини яна бир бор намоён этди.
Наманган вилояти яна бир тарихий натижага эришди. Заҳириддин Муҳаммад Бобур номидаги маданият ва дам олиш боғида бир ой давомида жамоа томонидан қарийб 30 миллион дона гул экилди.
Мазкур улкан лойиҳа натижасида Наманган шаҳри “Бир ой ичида жамоа томонидан экилган энг кўп гул” номинацияси бўйича Гиннес рекордлар китобига расман киритилди.
Бу ютуқ вилоятнинг ободонлаштириш, экология ва туризм соҳаларидаги салоҳиятини яна бир бор намоён этди.
Шунингдек, рекорд ўрнатилишида иштирок этган барча мутахассислар, боғбонлар ва кўнгиллиларнинг меҳнати алоҳида эътироф этилди.
Наманган — гуллар шаҳри сифатидаги мавқеини яна бир бор дунёга намойиш этди.
