Ўзбекистон

Навоий аэропортида “порто-франко” эркин зонаси ташкил этилади

2030 йилга бориб, аэропортда парвозлар сонини йилига 7 мингтага, йўловчи ташиш ҳажмини 150 минг нафарга, юк ташишни эса 45 минг тоннага етказиш кўзда тутилган.

Навоий аэропортида “порто-франко” эркин зонаси ташкил этилади

Тошкент, Навоий ва бошқа ҳудудлардаги аэропорт инфратузилмасини модернизация қилиш бўйича йирик транспорт лойиҳалари босқичма-босқич амалга оширилмоқда. Бу ҳақда Президент Шавкат Мирзиёевга транспорт инфратузилмасини ривожлантириш юзасидан тақдимот чоғида маълум қилинди.

 

Хусусан, Янги Тошкент халқаро аэропорти лойиҳаси ҳудудида муҳандислик тармоқларини кўчириш ишлари бошланган. Лойиҳа доирасида халқаро молия институтлари талаблари асосида экологик ва ижтимоий таъсирни баҳолаш ишлари якунланган. 

 

Ҳозирда ҳудудда канал, коллектор ва электр тармоқларини кўчириш жараёни давом этмоқда, лойиҳа ҳамда пудрат ташкилотлари билан музокаралар олиб борилмоқда.

 

Янги аэропорт йилига 20 миллион йўловчига хизмат кўрсатиш қувватига эга бўлиши режалаштирилган. Шунингдек, у 169 та ҳаво кемаси тураргоҳи ва ҳар бири 4 километрдан иборат 2 та учиш-қўниш йўлаги билан жиҳозланади.

 

Ҳудудий авиация инфратузилмасини ривожлантириш доирасида Навоий халқаро аэропортининг тижорат мустақиллиги оширилади. Аэропортга маҳаллий ва хорижий авиакомпаниялар билан мустақил шартномалар тузиш ҳуқуқи берилган. Шу билан бирга, унинг ҳудудида ҳаво кемаларига техник ва тижорат хизматлари кўрсатишга ихтисослашган “порто-франко” эркин зонаси ташкил этилади.

 

Режаларга кўра, 2030 йилга бориб Навоий аэропортида парвозлар сони 2,3 баробар оширилиб, йилига 7 минг рейсга, йўловчи ташиш 150 минг нафарга, юк ташиш эса 45 минг тоннага етказилади.

 

Умуман олганда, мамлакат бўйича 7 та халқаро аэропорт реконструкция қилинмоқда, шунингдек Мўйноқ, Қўқон, Зомин, Шаҳрисабз, Сариосиё ва Сўх туманларида янги аэропортлар барпо этилиб, уларнинг умумий сони 18 тага етказилган.

 

Аэропортлардаги ёқилғи таъминоти тизими ҳам модернизация қилинади. Ёқилғи қуйиш мажмуаларининг умумий сиғими 2030 йилга бориб 49 минг тоннадан 80 минг тоннага оширилади, маҳаллий авиаёқилғи ишлаб чиқариш эса йилига 600 минг тоннага етказилиши режалаштирилган.

 

Бунинг учун Навоий, Андижон, Бухоро, Урганч ва Янги Тошкент аэропортларида янги ёқилғи сақлаш инфратузилмалари барпо этилади. Ёқилғи сақлаш ва қуйиш жараёнлари босқичма-босқич халқаро стандартларга ўтказилиб, жорий йилда тўлиқ рақамлаштирилади ҳамда давлат назорати кучайтирилади.

 

Тақдимотда таъкидланишича, барча транспорт лойиҳаларида иқтисодий самарадорлик, қурилиш сифати, хавфсизлик ва йўловчилар учун қулайлик асосий мезон бўлиб қолади.

Хорижий корхоналар: Тошкент шаҳри ва вилояти етакчилик қилмоқда

Хорижий корхоналар: Тошкент шаҳри ва вилояти етакчилик қилмоқда

2026 йил 1 октябрь ҳолатига кўра, Ўзбекистонда хорижий инвестициялар иштирокидаги 22 мингдан ортиқ корхона фаолият юритмоқда.

Ўзбекистон Президенти давлат ташрифи билан Ўмонда бўлади

Ўзбекистон Президенти давлат ташрифи билан Ўмонда бўлади

Масқат шаҳрида олий даражадаги икки томонлама музокаралар ва бошқа тадбирлар бўлиб ўтади.

Фарғонада автомобиль велосипедчини уриб юборди: жабрланувчи шифохонада вафот этди

Фарғонада автомобиль велосипедчини уриб юборди: жабрланувчи шифохонада вафот этди

Ҳозирда ҳолат юзасидан терговга қадар текширув ҳаракатлари олиб борилмоқда.

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Жорий йилнинг дастлабки тўққиз ойида йирик корхоналар томонидан ишлаб чиқарилган ичимликлар қиймати 25,5 трлн сўмни ташкил этди.

Тошкентда кибержиноятларда гумонланган икки гуруҳ фош этилди: 72 киши ушланди

Тошкентда кибержиноятларда гумонланган икки гуруҳ фош этилди: 72 киши ушланди

Ҳолатлар юзасидан жиноят иши қўзғатилди.

Тошкентда ҳаво сифати: 15 ноябрь тонгида яхшиланиши мумкин

Тошкентда ҳаво сифати: 15 ноябрь тонгида яхшиланиши мумкин

Ҳозирда атмосфера ҳавоси сифати Махсус комиссия томонидан доимий мониторинг қилинмоқда.

Пахта хирмони 5 млн тоннадан ошди, аммо терим давом этмоқда — вазирлик

Пахта хирмони 5 млн тоннадан ошди, аммо терим давом этмоқда — вазирлик

Қишлоқ хўжалиги вазирлиги далаларда ҳали пахта борлиги ушбу натижани шубҳа остига қўймаслигини таъкидлади.

Бир ўриндиқ сабабли можаро: Тошкентда икки эркак 3 суткага қамалди

Бир ўриндиқ сабабли можаро: Тошкентда икки эркак 3 суткага қамалди

Метрода жой бермагани учун йўловчини ҳақорат қилган ва кейинчалик унинг ортидан борган эркакларга жазо тайинланди.