Футзал бўйича 2025-26 — йилги мамлакат чемпионати якунланди
Мавсум ғолиб ва совриндорларини тақдирлаш маросими бўлиб ўтди.
“Юнусобод” спорт мажмуасида футзал бўйича мамлакат миллий чемпионатининг ҳал қилувчи — 12-тур учрашувлари, шунингдек, мавсум ғолиб ва совриндорларини тақдирлаш маросими бўлиб ўтди.
Тантанали маросим аввалида XXIX миллий чемпионатнинг индивидуал совринлари ўз эгаларига топширилди.
Унга кўра, 2025/2026 йилги мавсумнинг энг интизомли жамоаси сифатида “Максам-Чирчиқ” “Fair Play” (Ҳалол ўйин) совринини қўлга киритди.
“Энг яхши дарвозабон” соврини — SQB жамоаси посбони Акмал Ҳазратқуловга топширилди.
XXIX миллий чемпионат тўпурари сoврини — BMB жамоаси ҳужумчиси Ҳебберт Оливеря ва Элбек Тўлқиновга насиб этди.
“Энг яхши мураббий” соврини — Максам Чирчиқ жамоаси бош мураббийи Баҳодир Аҳмедовга топширилди.
Мавсумнинг “Энг яхши ўйинчиси” соврини — BMB жамоаси футзалчиси Алех Диас Да Силвага топширилди.
Мавсум якунларига кўра, чемпионлик кубоги ва олтин медаллар Жиззахнинг “BMB PFC” жамоасига топширилди.
Кумуш медаллар ва вице-чемпионлик унвони чемпионат дебютанти — SQB жамоаси ҳисобига ёзилди.
Сўнгги йилларда “BMB PFC”нинг асосий рақобатчиларидан бири бўлиб келган “Оil Star” жамоаси эса бу гал бронза медаллари билан чекланди.
