Ўзбекистонда 5 кунда 14 мингдан ортиқ маҳалла чиқиндилардан тозаланди
“Долзарб 10 кунлик”нинг дастлабки беш кунида 70 925 тонна маиший чиқинди олиб чиқилган.
Ўзбекистонда Қурбон ҳайити муносабати билан ўтказилаётган “Долзарб 10 кунлик” тозалик тадбирларининг дастлабки беш кунида ҳудудлардан 70 минг тоннадан ортиқ маиший чиқинди олиб чиқилган. Бу ҳақда Чиқиндиларни бошқариш агентлиги маълум қилди.
Қайд этилишича, 25 майдан 3 июнга қадар республика бўйлаб амалга оширилаётган тадбирлар доирасида барча маҳалла ва аҳоли яшаш ҳудудларида санитария-тозалаш ишлари кучайтирилган. Байрам кунлари чиқиндилар тўпланиб қолишининг олдини олиш мақсадида махсус ишчи штаб фаолияти йўлга қўйилган.
Дастлабки беш кун давомида:
• 14 494 та маҳалла фуқаролар йиғини ҳудуди тозаланган;
• 33 024 нафар ходим ва 12 484 та махсус техника жалб қилинган;
• 70 925 тонна қаттиқ маиший чиқинди олиб чиқилиб, белгиланган тартибда бартараф этилган.
