Россия Украинанинг бир неча шаҳри авиазарбалар берди — 10 дан ортиқ киши ҳалок бўлди
Ҳужум давомида жами 73 та ракета ва 656 та турли xил дронлар қўлланган.
Россия кучлари 2 июнга ўтар кечаси Украина ҳудудига навбатдаги кенг кўламли ракета ва дрон ҳужумини амалга оширди. Зарбалар Киев, Днепр, Харков, Запорижжия ҳамда бир қатор бошқа вилоятларни қамраб олган. Бу ҳақда ББC хабар берди.
Украина расмийларининг маълум қилишича, ҳужумлар оқибатида Киевда камида 5 киши, Днепрда эса 9 киши ҳалок бўлган. Шунингдек, ўнлаб фуқаролар турли даражадаги тан жароҳатлари олган.
Ҳужум арафасида Владимир Зеленский ва мамлакат ҳарбий раҳбарияти Россия янги қўшма ракета ва дрон ҳужумига тайёрланаётгани ҳақида огоҳлантирган ҳамда аҳолини ҳаво хавфи сигналларига жиддий муносабатда бўлишга чақирган эди.
Украина Ҳарбий-ҳаво кучлари маълумотларига кўра, тунги ҳужум давомида жами 73 та ракета ва 656 та турли турдаги дрон қўлланган. Жумладан, зарбалар учун “Kalibr” қанотли ракеталари, “Iskander-М” баллистик ракеталари, Х-101 қанотли ракеталари ва “Tsirkon” ракеталаридан фойдаланилган.
Украина ҳарбийлари 40 та ракета ҳамда 602 та дрон уриб туширилгани ёки радиоелектрон воситалар ёрдамида зарарсизлантирилганини маълум қилган. Шу билан бирга, 33 та ракета ва 33 та дрон ўз нишонларига етиб боргани қайд этилган.
Россия Мудофаа вазирлиги эса ҳужумлар Украина ҳарбий-саноат комплекси корхоналари, ёқилғи инфратузилмаси обектлари, транспорт тармоқлари ва ҳарбий аеродромларга қаратилганини билдирган.
Маълумотларга кўра, ҳужумлар Киев, Харков, Днепр ва Запорижжия шаҳарлари билан бир қаторда Полтава, Хмелнитский ҳамда Суми вилоятларида ҳам қайд этилган.
