Ўзбекистон миллий терма жамоасининг ЖЧ-2026 учун якуний таркиби эълон қилинди
Ушбу рўйхатдан ортда қолган мавсумда Ироқ чемпионати тўпурари бўлган Шерзод Темиров тушиб қолди.
Яқинда мундиал сафарига йўл олган Ўзбекистон миллий терма жамоасининг бўлажак Жаҳон чемпионати учун 26 кишилик якуний таркиби эълон қилинди.
АҚШга олиб кетилган 30 футболчидан Умарали Раҳмоналиев, Русланбек Жиянов, Шерзодбек Темиров ҳамда Жасур Жалолиддинов тушиб қолди.
Фабио Каннаваро якуний таркибга киритган 26 нафар футболчи билан танишинг:
Дарвозабонлар: Ўткир Юсупов (“Навбаҳор”), Ботирали Эргашев (“Нефтчи”), Абдувоҳид Неъматов (“Насаф”).
Ҳимоячилар: Авазбек Ўлмасалиев (ОКМК), Жаҳонгир Ўрозов (“Динамо”), Рустам Ашурматов (“Истиқлол”, Эрон), Умар Эшмуродов (“Насаф”), Абдуқодир Ҳусанов (“Манчестер Сити”, Англия), Абдулла Абдуллаев (“Дибба”, БАА), Фаррух Сайфиев (“Нефтчи”), Ҳожиакбар Алижонов (“Пахтакор”), Шерзод Насруллаев (“Пахтакор”), Беҳруз Каримов (“Сурхон”).
Ярим ҳимоячилар: Шерзод Эсанов (“Бухоро”), Одил Ҳамробеков (“Трактор”, Эрон), Акмал Мозговой (“Пахтакор”), Отабек Шукуров (“Банияс”, БАА), Жамшид Искандеров (“Нефтчи”), Азиз Ғаниев (“Ал Батаеҳ”, БАА).
Ҳужумчилар: Аббос Файзуллаев (“Истанбул Башакшеҳир”, Туркия), Жалолиддин Машарипов (“Истиқлол”, Эрон), Остон Ўрунов (“Персеполис”, Эрон), Азиз Амонов (“Динамо”), Достон Ҳамдамов (“Пахтакор”), Игор Сергеев (“Персеполис”, Эрон), Элдор Шомуродов (“Истанбул Башакшеҳир”, Туркия).
Маълумот ўрнида, “оқ бўрилар” мундиалнинг “К” гуруҳида Колумбия, Португалия ва Конго миллий терма жамоалари билан баҳс олиб боради.
Дастлабки ўйин, 18 июнь куни Тошкент вақти билан 07:00 да Колумбияга қарши бўлиб ўтади.
Шунингдек, Каннаваро шогирдлари мундиалга тайёргарлик доирасида 8-Июнь куни Нидерландия миллий терма жамоасига қарши ўртоқлик учрашуви ўтказади.
