Ҳизбуллоҳ Исроил ва Ливан ўртасидаги сулҳ шартларини рад этди
Гуруҳ Исроил қўшинларининг Ливандан чиқишини талаб қилмоқда.
Ливан ҳудудидаги Ҳизбуллоҳ ҳаракати Исроил ва Ливан ҳукумати ўртасида эришилган сулҳ келишувининг шартларига қўшилмаслигини маълум қилди. Бу ҳақда гуруҳ раҳбари Наим Қосим баёнот берган.
Унинг таъкидлашича, “босқинчилик давом этар экан, қаршиликни тўхтатиш бўйича ҳеч қандай мажбурият олинмайди”. Бу баёнот Associated Press агентлиги томонидан ҳам келтирилган.
Шунингдек, Ҳизбуллоҳ раҳбари Исроил ҳарбий кучларининг Ливан ҳудудидан тўлиқ чиқарилишини асосий талаб сифатида илгари сурган.
Аввалроқ, АҚШ Исроил ва Ливан ўртасидаги кескинликни камайтириш мақсадида янги сулҳ ташаббусини илгари сургани хабар қилинган эди.
