Шавкат Мирзиёевнинг Россияга амалий ташрифи якунланди
“Пулково” халқаро аеропортида олий мартабали меҳмонни Россия ҳукумати раисининг биринчи ўринбосари Денис Мантуров ва бошқа расмий шахслар кузатиб қўйди.
Президент Шавкат Мирзиёевнинг Россияга амалий ташрифи якунланди.
Ташриф доирасида давлат раҳбари Санкт-Петербург шаҳрида Президенти Владимир Путин билан учрашув ўтказди.
Шунингдек, икки давлат етакчилари Ўзбекистонда биринчи интеграциялашган атом электр стансияси қурилишини бошлаш маросимида иштирок этдилар.
Президент Шавкат Мирзиёев ташриф давомида Петербург халқаро иқтисодий форуми тадбирларида ҳам қатнашди. Давлатимиз раҳбари форумнинг ялпи мажлисида нутқ сўзлади.
Ташриф дастури якунлангач, Президент Тошкент шаҳрига жўнаб кетди. Пулково халқаро аеропортида олий мартабали меҳмонни Россия Федерацияси Ҳукумати Раисининг биринчи ўринбосари Денис Мантуров ҳамда бошқа расмий шахслар кузатиб қўйди.
