Деновда собиқ ИИБ ходими 14 ёшга тўлмаган қизнинг номусига тегишда гумонланмоқда
Иш юзасидан дастлабки тергов якунланиб, айблов хулосаси билан жиноят иши судга юборилган.
Сурхондарё вилоятининг Денов туманида ички ишлар органларининг собиқ ходими вояга етмаган қизнинг номусига тегишда гумон қилинмоқда. Бу ҳақда вилоят прокуратураси маълум қилди.
Қайд этилишича, Денов тумани ИИБ Жамоат хавфсизлиги хизмати ҳуқуқбузарликлар профилактикаси бўлимининг вояга етмаганлар масалалари бўйича собиқ инспектор-психологи A.R.ga нисбатан Жиноят кодексининг 118-моддаси 4-қисми (14 ёшга тўлмаган шахснинг номусига тегиш), 129-моддаси 3-қисми (зўрлик ишлатиб ёки қўрқитиб 16 ёшга тўлмаган шахсга нисбатан уяциз-бузуқ ҳаракатлар қилиш) ҳамда 206-моддаси 1-қисми (ҳокимият ёки мансаб ваколати доирасидан четга чиқиш) билан жиноят иши қўзғатилган.
Тергов органлари маълумотига кўра, иш юзасидан дастлабки тергов якунланиб, айблов хулосаси билан жиноят иши судга юборилган.
Эслатиб ўтамиз, аввалроқ Андижон вилоятида ҳам вояга етмаган шахсга нисбатан жинсий жиноят содир этганликда гумон қилинган ички ишлар ходими ҳибсга олингани ҳақида хабар берилган эди.
