Саида Мирзиёева АҚШ савдо вазири ўринбосар билан учрашди
Учрашувди Америка–Ўзбекистон ишбилармонлик кенгаши фаолиятини ривожлантириш масалалари кўриб чиқилди.
Саида Мирзиёева АҚШ Савдо вазири ўринбосари Девид Фогел билан учрашув ўтказди.
Учрашув давомида Ўзбекистон ва Америка Қўшма Штатлари ўртасидаги ҳамкорлик, хусусан савдо, инвестициялар ҳамда шерикликнинг янги йўналишларини ривожлантириш масалалари юзасидан фикр алмашилди.
Таъкидланишича, ҳозирги вақтда Америка бизнес доиралари Ўзбекистондаги инвестициявий ва инфратузилмавий лойиҳаларга тобора ортиб бораётган қизиқиш билдирмоқда. Ушбу эътибор яқин истиқболда аниқ келишувлар, янги иш ўринлари яратилиши ҳамда мамлакат иқтисодиёти учун кенг имкониятлар очилишига хизмат қилиши қайд этилди.
Суҳбат чоғида икки мамлакат тадбиркорлари ўртасида ўзаро манфаатли мулоқотни йўлга қўйиш ва амалий ҳамкорликни кенгайтиришда муҳим платформа бўлиб келаётган Америка–Ўзбекистон ишбилармонлик ва инвестиция кенгаши фаолияти ҳам алоҳида кўриб чиқилди.
