Жалолиддин Машарипов Жаҳон чемпионатида иштирок этмайди
Машарипов миллий терма жамоадаги фаолиятини якунлаши ҳам мумкин.
Ўзбекистон миллий терма жамоасининг етакчи футболчиларидан бири Жалолиддин Машарипов Жаҳон чемпионатида иштирок этмаслиги мумкин.
ЎзА хабарига кўра, футболчи жароҳатидан тўлиқ тикланмагани сабабли терма жамоанинг якуний қайдномасидан чиқарилиши кутилмоқда. Унинг ўрнига 26 нафар футболчидан иборат таркибга Русланбек Жиянов киритилиши мумкин.
Маълум қилинишича, Машарипов жароҳатига қарамай майдонга тушиш истагини билдирган.
Якуний қарор Ўзбекистон терма жамоаси бош мураббийи Фабио Каннаваро томонидан қабул қилинган. Айни пайтда Русланбек Жияновнинг таркибга жалб этилиши бўйича масала ҳали расман якуний тасдиқланмаган.
Шунингдек, айрим манбаларда Машариповнинг миллий терма жамоадаги фаолиятини якунлаши эҳтимоли ҳам тилга олинмоқда. Ҳозирча бу борада расмий маълумот берилмаган.
