Ўзбекистон

Андижонда мансабдор шахс ва банк ходими пора билан ушланди

Қурилиш инспекцияси мансабдори 30 млн сўм, банк менежери эса 8 минг доллар билан қўлга тушди.

Андижонда мансабдор шахс ва банк ходими пора билан ушланди

 

Андижон вилоятида зарар миқдорини камайтириш ҳамда кредит ажратиш билан боғлиқ икки коррупсион ҳолат фош этилди. Бу ҳақда ДХХ Zamon.uz'га хабар берди.

 

Андижон шаҳридаги савдо дўконида ичимлик сувидан ноқонуний фойдаланиш оқибатида давлатга қарийб 680 миллион сўмлик зарар етказилгани юзасидан далолатнома расмийлаштирилган. Қурилиш ва уй-жой коммунал хўжалиги соҳасида ҳудудий назорат қилиш инспекциясининг шўба бошлиғи мансабдор танишлари орқали зарар миқдорини камайтириб бериш ҳамда маъмурий чоралар кўрилишида ёрдам бериш эвазига дўкон эгасидан 30 миллион сўм талаб қилган.

 

ДХХ, Иқтисодий жиноятларга қарши курашиш департаменти ва ички ишлар органлари ходимлари ҳамкорлигида ўтказилган тезкор тадбирда у сўралган пул маблағини олаётган вақтида ашёвий далиллар билан ушланган.

 

Яна бир ҳолатда, акциядорлик тижорат банкларидан бирининг Асака туман филиали Маҳаллабай ишлаш бўлими бош менежери фуқарога 3 миллиард 650 миллион сўм миқдорида кредит ажратилишида ёрдам бериш эвазига 8 минг АҚШ доллари талаб қилган.

 

Аниқланишича, у жорий йилнинг апрел-май ойларида фуқаро томонидан берилган 7 800 АҚШ долларини олган, бироқ ваъда қилинган масалани ҳал қила олмаган. Кейинчалик пулнинг бир қисмини — 1 минг АҚШ долларини қайтараётган вақтида ДХХ ва ИИБ ходимлари томонидан қўлга олинган.

 

Ҳозирда ҳар икки ҳолат юзасидан жиноят ишлари қўзғатилиб, тергов ҳаракатлари олиб борилмоқда. 

Хорижий корхоналар: Тошкент шаҳри ва вилояти етакчилик қилмоқда

Хорижий корхоналар: Тошкент шаҳри ва вилояти етакчилик қилмоқда

2026 йил 1 октябрь ҳолатига кўра, Ўзбекистонда хорижий инвестициялар иштирокидаги 22 мингдан ортиқ корхона фаолият юритмоқда.

Ўзбекистон Президенти давлат ташрифи билан Ўмонда бўлади

Ўзбекистон Президенти давлат ташрифи билан Ўмонда бўлади

Масқат шаҳрида олий даражадаги икки томонлама музокаралар ва бошқа тадбирлар бўлиб ўтади.

Фарғонада автомобиль велосипедчини уриб юборди: жабрланувчи шифохонада вафот этди

Фарғонада автомобиль велосипедчини уриб юборди: жабрланувчи шифохонада вафот этди

Ҳозирда ҳолат юзасидан терговга қадар текширув ҳаракатлари олиб борилмоқда.

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Жорий йилнинг дастлабки тўққиз ойида йирик корхоналар томонидан ишлаб чиқарилган ичимликлар қиймати 25,5 трлн сўмни ташкил этди.

Тошкентда кибержиноятларда гумонланган икки гуруҳ фош этилди: 72 киши ушланди

Тошкентда кибержиноятларда гумонланган икки гуруҳ фош этилди: 72 киши ушланди

Ҳолатлар юзасидан жиноят иши қўзғатилди.

Тошкентда ҳаво сифати: 15 ноябрь тонгида яхшиланиши мумкин

Тошкентда ҳаво сифати: 15 ноябрь тонгида яхшиланиши мумкин

Ҳозирда атмосфера ҳавоси сифати Махсус комиссия томонидан доимий мониторинг қилинмоқда.

Пахта хирмони 5 млн тоннадан ошди, аммо терим давом этмоқда — вазирлик

Пахта хирмони 5 млн тоннадан ошди, аммо терим давом этмоқда — вазирлик

Қишлоқ хўжалиги вазирлиги далаларда ҳали пахта борлиги ушбу натижани шубҳа остига қўймаслигини таъкидлади.

Бир ўриндиқ сабабли можаро: Тошкентда икки эркак 3 суткага қамалди

Бир ўриндиқ сабабли можаро: Тошкентда икки эркак 3 суткага қамалди

Метрода жой бермагани учун йўловчини ҳақорат қилган ва кейинчалик унинг ортидан борган эркакларга жазо тайинланди.