АҚШ Яқин Шарқнинг қўриқчиси бўлиши мумкин — Трамп
АҚШ президенти Эрон ядровий дастури бўйича музокаралар муваффақияциз бўлса АҚШ ҳарбий ҳаракатларни қайта бошлаши мумкинлигини айтди.
Доналд Трамп Эроннинг ядровий дастури бўйича музокаралар муваффақияциз якунланса, АҚШ икки хил ссенарийни кўриб чиқиши мумкинлигини маълум қилди. бу ҳақда АҚШ президенти The New York Times нашрига берган интервюсида маълум қилди.
Трампнинг айтишича, агар Вашингтон ва Теҳрон ўртасида якуний келишувга эришилмаса, АҚШ Эрон ҳудудига нисбатан ҳарбий ҳаракатларни қайта бошлаши мумкин. Шунингдек, иккинчи вариант сифатида АҚШ “Яқин Шарқнинг қўриқчиси” ролини ўз зиммасига олиб, минтақа даромадларининг 20 фоизи эвазига фаолият юритиши эҳтимоли тилга олинган.
Маълумотларга кўра, АҚШ ва Эрон ўртасидаги музокараларнинг навбатдаги босқичи жума куни Швейтсарияда бошланиши кутилмоқда. Музокараларда асосий масала — Эроннинг ядровий дастури бўлиб қолмоқда.
Эслатиб ўтамиз, аввалроқ Покистон Бош вазири Шаҳбоз Шариф АҚШ ва Эрон ҳарбий ҳаракатларни тўхтатишни назарда тутувчи тинчлик келишуви бўйича келишувга эришганини маълум қилган эди.
