Германия президенти Ўзбекистонга ташриф буюради
Франк-Валтер Штайнмаер Осиёга беш кунлик сафари доирасида Тошкентга келади.
Германия президенти Франк-Валтер Штайнмаер Осиёга беш кунлик сафари доирасида Ўзбекистонга ташриф буюради. Бу ҳақда Германиянинг DPА ахборот агентлиги хабар берди.
Маълумотларга кўра, давлат раҳбарининг сафари Индонезия, Филиппин ва Ўзбекистонни қамраб олади. Штайнмаерга унинг рафиқаси ҳамда Германия бизнес доиралари вакилларидан иборат делегация ҳамроҳлик қилади.
Ташриф дастурининг якуний манзили Тошкент шаҳри бўлиб, Германия президенти бу ерда қатор учрашувлар ўтказиши ва Германиянинг ГП Гüнтер Папенбург компанияси филиалига ташриф буюриши режалаштирилган.
Ташриф давомида малакали меҳнат миграцияси масаласи муҳокама қилиниши кутилмоқда.
Расмий маълумотларга кўра, Ўзбекистонда немис тилини ўрганаётганлар сони Осиёдаги бошқа мамлакатларга нисбатан юқори ҳисобланади.
