Ўзбекистон

Наманганда мактаб директорлиги учун 10 минг доллар сўраган амалдор ушланди

Шунингдек, давлат-хусусий шериклик асосида боғча очиш учун ёрдам бериш эвазига пул талаб қилган МТТ ходими қўлга олинди.

Наманганда мактаб директорлиги учун 10 минг доллар сўраган амалдор ушланди

 

Давлат хавфсизлик хизмати ҳамда Бош прокуратура ҳузуридаги Департамент томонидан ўтказилган тезкор тадбирлар давомида Наманган вилояти таълим тизимида бир қатор коррупсион ҳолатлар аниқланди. Бу ҳақда ДХХ Zamon.uz'га хабар берди.

 

Маълум қилинишича, Наманган вилояти Мактабгача ва мактаб таълими бошқармасининг шўба бошлиғи Тўрақўрғон туманида яшовчи фуқарони Наманган шаҳридаги умумтаълим мактабларидан бирига директор лавозимига ишга жойлаштириб беришни ваъда қилиб, бунинг эвазига 10 минг АҚШ доллари талаб қилган.

 

У талаб қилинган маблағнинг 8,5 минг АҚШ долларини ўз хизмат хонасида олган вақтида ашёвий далиллар билан қўлга олинган.

 

Терговга қадар текширувларда мазкур мансабдор шахс аввал ҳам фирибгарлик, мансаб ваколатини суиистеъмол қилиш, мансаб сохтакорлиги, пора олиш ҳамда бошқа мансабдорлик жиноятлари бўйича судланган бўлишига қарамай, ноқонуний фаолиятини давом эттиргани аниқланган.

 

Яна бир ҳолатда Наманган шаҳридаги мактабгача таълим ташкилоти ходими давлат-хусусий шериклик асосида иккита боғча ташкил этишни режалаштирган тадбиркорга тегишли ҳужжатлар ва шартномаларни тасдиқлатиб беришни ваъда қилган. У бу хизмат эвазига 2 минг АҚШ доллари олган вақтида қўлга тушган.

 

Тезкор тадбир давомида ушбу маблағни олган Давлатобод тумани Мактабгача ва мактаб таълими бўлимининг бош мутахассиси ҳам фош этилиб, унинг ноқонуний ҳаракатларига чек қўйилган.

 

Ҳозирда ҳар икки ҳолат юзасидан жиноят ишлари қўзғатилган бўлиб, тергов ҳаракатлари давом эттирилмоқда.

Хорижий корхоналар: Тошкент шаҳри ва вилояти етакчилик қилмоқда

Хорижий корхоналар: Тошкент шаҳри ва вилояти етакчилик қилмоқда

2026 йил 1 октябрь ҳолатига кўра, Ўзбекистонда хорижий инвестициялар иштирокидаги 22 мингдан ортиқ корхона фаолият юритмоқда.

Ўзбекистон Президенти давлат ташрифи билан Ўмонда бўлади

Ўзбекистон Президенти давлат ташрифи билан Ўмонда бўлади

Масқат шаҳрида олий даражадаги икки томонлама музокаралар ва бошқа тадбирлар бўлиб ўтади.

Фарғонада автомобиль велосипедчини уриб юборди: жабрланувчи шифохонада вафот этди

Фарғонада автомобиль велосипедчини уриб юборди: жабрланувчи шифохонада вафот этди

Ҳозирда ҳолат юзасидан терговга қадар текширув ҳаракатлари олиб борилмоқда.

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Жорий йилнинг дастлабки тўққиз ойида йирик корхоналар томонидан ишлаб чиқарилган ичимликлар қиймати 25,5 трлн сўмни ташкил этди.

Тошкентда кибержиноятларда гумонланган икки гуруҳ фош этилди: 72 киши ушланди

Тошкентда кибержиноятларда гумонланган икки гуруҳ фош этилди: 72 киши ушланди

Ҳолатлар юзасидан жиноят иши қўзғатилди.

Тошкентда ҳаво сифати: 15 ноябрь тонгида яхшиланиши мумкин

Тошкентда ҳаво сифати: 15 ноябрь тонгида яхшиланиши мумкин

Ҳозирда атмосфера ҳавоси сифати Махсус комиссия томонидан доимий мониторинг қилинмоқда.

Пахта хирмони 5 млн тоннадан ошди, аммо терим давом этмоқда — вазирлик

Пахта хирмони 5 млн тоннадан ошди, аммо терим давом этмоқда — вазирлик

Қишлоқ хўжалиги вазирлиги далаларда ҳали пахта борлиги ушбу натижани шубҳа остига қўймаслигини таъкидлади.

Бир ўриндиқ сабабли можаро: Тошкентда икки эркак 3 суткага қамалди

Бир ўриндиқ сабабли можаро: Тошкентда икки эркак 3 суткага қамалди

Метрода жой бермагани учун йўловчини ҳақорат қилган ва кейинчалик унинг ортидан борган эркакларга жазо тайинланди.