Марғилондаги хонадонлардан бирида ёнғин содир бўлди
Ёнғин натижасида ишлаб чиқариш cехи ва чинни буюмлар сақлаш омборхонаси ҳам зарар кўрган.
Фавқулодда вазиятлар вазирлиги хабарига кўра, 18 июнь куни соат 15:36 да Марғилон шаҳри, «Туягум» МФЙ, Ойдин кўчасида жойлашган хонадонлардан бирида ёнғин содир бўлган.
Воқеа жойига 8 та қутқарув бўлинмаси соат 15:41 да етиб борган. Тезкор ҳаракатлар натижасида ёнғин соат 16:00 да ўраб олинган ва 16:20 да тўлиқ ўчирилган.
Ёнғин оқибатида хонадоннинг 120 кв.м майдони, унга туташ бўлган пойабзал ишлаб чиқариш cехининг 120 кв.м қисми ҳамда чинни буюмлар сақлаш омборхонасининг 60 кв.м майдони, жумладан томи, ички қисми ва маҳсулотлари зарар кўрган.
Шунингдек, биноларнинг 200 кв.м майдони сақлаб қолинган. Ҳодиса оқибатида тан жароҳати олганлар қайд этилмаган.
Айни пайтда ёнғиннинг келиб чиқиш сабаби ҳамда моддий зарар миқдори аниқланмоқда.
