Аббосбек Файзуллаев ЖЧ 1-турида бирйўла икки рекорд қайд этди
Файзуллаев турнирнинг биринчи туридаги энг тезкор ва XXI асрдаги ЖЧда бош билан гол урган энг паст бўйли футболчи бўлди.
Ўзбекистон миллий терма жамоаси яримҳимоячиси Аббосбек Файзуллаев 2026 йилги Жаҳон чемпионатининг 1-турида икки муҳим рекорд муаллифига айланди.
SofaScore платформаси маълумотига кўра, 22 ёшли футболчи Колумбияга қарши учрашувда соатига 36 км тезликка чиқиб, турнирнинг 1-туридаги энг тезкор футболчи сифатида қайд этилди. Бу кўрсаткич барча ўйинчилар орасида энг юқори натижа бўлди.
Иккинчи ўринни Хорватия терма жамоаси вакили Ёсип Станисич эгаллаган бўлиб, унинг максимал тезлиги 35,9 км/соатни ташкил этди. Кучли учликни эса Кот-д'Ивуардан Вилфрид Синго 35,8 км/соат билан якунлади.
Шунингдек, Аббосбек Файзуллаев Жаҳон чемпионатлари тарихида XXI асрда бош билан гол урган энг паст бўйли футболчи сифатида ҳам рекорд ўрнатди.
Опта статистикасига кўра, 167 см бўйга эга футболчи аввалги рекордчи уругвайлик Гиоргиан де Аррасcаэтани ортда қолдирди. Де Аррасcаэта 2022 йилги Жаҳон чемпионатида 173 см бўй билан Гана дарвозасига бош билан гол урган.
