Абдуқодир Ҳусанов тезлик бўйича Килиан Мбаппени ортда қолдирди
FIFA эълон қилган энг тезкор футболчилар рейтингида Абдуқодир Ҳусанов кучли учликдан жой олди.
FIFA Жаҳон чемпионати гуруҳ босқичининг 1-тур якунларига кўра, майдонда энг юқори тезлик қайд этган футболчилар рейтингини эълон қилди. Ундан Ўзбекистон миллий терма жамоаси ҳимоячиси Абдуқодир Ҳусанов ҳам ўрин олди.
BBC келтирган маълумотларга кўра, Ҳусанов гуруҳ босқичидаги илк учрашувда соатига 36,5 километр тезликка эришган. Бу натижа унга энг тезкор футболчилар рўйхатида иккинчи ўринни бўлишиш имконини берди.
Рейтингда биринчи ўринни Австралия терма жамоаси футболчиси Жордан Бос эгаллаган бўлиб, у 36,7 км/соат тезлик қайд этган. Ҳусанов эса Норвегия ҳужумчиси Эрлинг Ҳоланд билан бир хил натижа кўрсатган.
Шунингдек, ўзбекистонлик ҳимоячи Жанубий Корея терма жамоаси сардори Сон Ҳён Мин ҳамда Франция юлдузи Килиан Мбаппедан юқори натижа қайд этди. Уларнинг тезлиги мос равишда 35,2 ва 35,1 км/соатни ташкил қилган.
ЖЧ—2026: 1-турдан кейинги энг тезкор футболчилар рўйхати:
- Жордан Бос (Австралия) — 36.7 км/соат
- Эрлинг Ҳоланд (Норвегия) — 36.5 км/соат
- Абдуқодир Ҳусанов (Ўзбекистон) — 36.5 км/соат
- Муҳаммад Туре (Австралия) — 35.8 км/соат
- Раян Гравенберх (Нидерландия) — 35.6 км/соат
- Алан Минда (Эквадор) — 35.5 км/соат
- Сон Ҳён Мин (Жанубий Корея) — 35.2 км/соат
- Ҳeд Спeнс (Англия) — 35.2 км/соат
- Килиан Мбаппе (Франция) — 35.1 км/соат
- Педру Нету (Португалия) — 34.8 км/соат
Эслатиб ўтамиз, Ўзбекистон МТЖ Жаҳон чемпионатининг илк турида Колумбияга қарши майдонга тушиб, 1:3 ҳисобида имкониятни бой берди. Фабио Каннаваро шогирдлари навбатдаги ўйинини Португалияга қарши ўтказади. Ушбу баҳс 23 июнь куни Тошкент вақти билан 22:00 да бошланади.
