Саида Мирзиёева Қозоғистон президенти билан учрашди
Саида Мирзиёева учрашув давомида Ўзбекистон Президентининг самимий саломи ва эзгу тилакларини Қозоғистон раҳбарига етказди.
Ўзбекистон Президенти администрацияси раҳбари Саида Мирзиёева Қозоғистон Президенти Қасим-Жомарт Тоқаев билан учрашди.
Саида Мирзиёева учрашув давомида Ўзбекистон Президенти Шавкат Мирзиёевнинг самимий саломи ва эзгу тилакларини Қозоғистон раҳбарига етказганини маълум қилди.
Унинг таъкидлашича, Қозоғистон Ўзбекистон учун нафақат қўшни давлат, балки яқин дўст, ишончли стратегик ҳамкор ва иттифоқчи ҳисобланади.
Саида Мирзиёева Қасим-Жомарт Тоқаевга илиқ қабул учун миннатдорлик билдириб, икки мамлакат ўртасидаги қардошлик ва стратегик шериклик муносабатларини янада мустаҳкамлашга қаратилган саъй-ҳаракатларни юқори баҳолади.
