Ҳиндистондаги ўқув марказида юз берган ёнғинда камида 14 киши ҳалок бўлди
Ёнғин пайтида бинода 16–17 ёшли ўқувчилар бўлган.
Ҳиндистоннинг Уттар-Прадеш штати маркази Лакнау шаҳридаги ўқув марказида юз берган йирик ёнғин оқибатида камида 14 киши ҳалок бўлди. Бу ҳақда штат бош вазири ўринбосари Бражеш Патхак маълум қилди дейди ТАСС.
Унинг сўзларига кўра, ёнғин содир бўлган вақтда бинода 16–17 ёшли ўқувчилар бўлган. Ҳодиса оқибатида бир неча киши турли даражада тан жароҳати олган.
Ижтимоий тармоқларда тарқалган видеоларда ўқувчиларнинг аланга ва қуюқ тутундан қочиш мақсадида бинонинг деразаларидан сакраб тушаётган тасвирлари акс этган.
Дастлабки маълумотларга кўра, ёнғин келиб чиқиш сабаблари аниқланмоқда. Ҳодиса юзасидан ваколатли органлар томонидан тергов ҳаракатлари бошланган.
