Андижондаги 1980 йилларда қурилган магистраль сув тармоғи янгиланади
Саида Мирзиёева Андижондаги муаммолар ва сув таъминоти масаласини муҳокама қилди.
Андижон вилоятида вилоят раҳбарияти ва туман ҳокимлари иштирокида ишчи йиғилиш ўтказилди. Бу ҳақда Саида Мирзиёева маълум қилди.
Қайд этилишича, йиғилишда ҳудудлардаги долзарб муаммоларни ҳал этишда республика, вилоят, туман ва маҳалла даражасида ҳамжиҳатликда иш олиб бориш зарурлиги таъкидланган. Шунингдек, қарорларни тезкор қабул қилиш, уларнинг ижро муддатлари ва масъулларини аниқ белгилаш масалаларига эътибор қаратилган.
Муҳокама қилинган асосий масалалардан бири 1980 йилларда қурилган магистраль сув тармоғини янгилаш бўлди. Мазкур иншоот кўплаб хонадонлар, маҳаллалар ва ташкилотларнинг ичимлик суви таъминотида муҳим ўрин тутиши қайд этилиб, уни реконструкция қилиш ишларини ортга суриб бўлмаслиги таъкидланди.
