Ўзбекистон Португалияга ютқазди: Каннаваро ўйин ҳақида нималар деди?
Бош мураббий мундиалдаги иштирок жамоа учун муҳим тажриба бўлаётганини таъкидлади.
Ўзбекистон миллий терма жамоаси бош мураббийи Фабио Каннаваро ЖЧ–2026 гуруҳ босқичининг 2-турида Португалияга 0:5 ҳисобида мағлуб бўлгач, матбуот анжуманида ўйин юзасидан фикр билдирди.
Мураббий Жаҳон чемпионатидаги илк иштирок жамоа учун катта тажриба бўлаётганини таъкидлаб, натижага қарамай футболчиларининг ҳаракатидан мамнун эканини айтди.
"Албатта Жаҳон чемпионатидаги илк иштирок осон бўлмаслиги табиий. Қуръа натижалари чиққанидан сўнг Колумбия ва Португалияни кўриб, бизни жуда қийин гуруҳ кутаётганини кутгандик.
Колумбияга қарши ўйиндан кейин ҳам жамоамдан фахрланишимни айтгандим, бугун ҳам жамоам билан фахрланаман. Чунки уларни кўрдим. Ҳа, қийинчиликларга дуч келишди, аммо бир сония ҳам таслим бўлишмади.
Албатта, барча чизиқларда юқори савиядаги футболчиларга эга жамоага қарши ўйнаш доим қийин. Шубҳасиз, улар жуда катта мотивация билан майдонга тушишган эди. Бироқ айтганимдек, бу Жаҳон чемпионати биз учун тажриба", деди Каннаваро.
Маълумот учун, Ўзбекистон ин миллий терма жамоаси Жаҳон чемпионати гуруҳ босқичининг 3-турида Конго Демократик Республикаси терма жамоасига қарши майдонга тушади. Учрашув 28 июнь куни соат 04:30 да бошланади.
