Ўзбекистонда қайси туман ва шаҳарларда энг кўп аҳоли яшайди?
2026 йил 1 апрель ҳолатига Ўзбекистон аҳолиси қарийб 38,4 миллион кишига етди.
Миллий статистика қўмитаси маълумотларига кўра, 2026 йил 1 апрель ҳолатига Ўзбекистоннинг доимий аҳолиси сони қарийб 38,4 миллион кишини ташкил этган.
Аҳоли сони бўйича ҳудудлар кесимида Наманган шаҳри 731,3 минг нафар аҳоли билан мамлакатда биринчи ўринни эгаллаган. Кейинги ўринларда Самарқанд шаҳри (607,6 минг киши) ва Ургут тумани (588,6 минг киши) қайд этилган.
Шунингдек, Андижон шаҳри 506 минг нафар, Денов тумани 442,7 минг нафар аҳоли билан энг йирик ҳудудлар қаторидан жой олган.
Аҳолиси энг кўп бўлган ТОП-10 ҳудудлар рўйхатига Олмазор тумани (419,6 минг киши), Пастдарғом тумани (401,5 минг киши), Юнусобод тумани (395 минг киши), Шайхонтоҳур тумани (374,6 минг киши) ҳамда Асака тумани (369,6 минг киши) ҳам киритилган.
