Япония учинчи бор Жаҳон чемпионати плей-оффига йўл олди
Шунингдек, Нидерландия терма жамоаси Тунисни 3:1 ҳисобида мағлуб этди.
Япония терма жамоаси FIFА Жаҳон чемпионати гуруҳ босқичининг 3-турида Швеция билан 1:1 ҳисобида дуранг ўйнаб, плей-офф босқичига йўл олди.
Шу тариқа, япон футболчилари ўз тарихида учинчи марта мундиалнинг плей-офф босқичида иштирок этиш ҳуқуқини қўлга киритган.
Қайд этиш жоиз, Япония терма жамоаси аввалги икки мундиал — 2018 ва 2022 йилги Жаҳон чемпионатларида ҳам плей-офф босқичида иштирок этган эди. Эндиликда жамоа кетма-кет учинчи бор мундиалнинг ҳал қилувчи босқичида ўз омадини синаб кўради.
«F» гуруҳи доирасидаги иккинчи учрашувда эса Нидерландия терма жамоаси Тунисни 3:1 ҳисобида мағлуб этди. Баҳснинг 3-дақиқасида тунислик Элес Скҳири автогол муаллифига айланган. Орадан тўрт дақиқа ўтиб, Браян Бробби ҳисобни 2:0 кўринишига олиб келган. Иккинчи бўлимда Ян Паул ван Хекке нидерландияликларнинг учинчи голини урган. Тунис сафидаги ягона голга Ҳазем Мастури муаллифлик қилган.
